O Bloque Nacionalista Galego (BNG) vén de lanzar a candidatura de Ana Pontón á presidencia da Xunta de Galicia nun acto no que tamén presentaron o seu slogan de precampaña: ‘Galiza en marcha’. A frase escollida foi criticada nas redes sociais polo PP de Lugo, que acusa os nacionalistas de copiar un lema de seu.
“A campaña de Ana Pontón é tan sisuda que se baseou nun Ctrl+C e Ctrl+V do PP”, compartía na conta de Twitter o grupo municipal do PP. Acompañaban o chío cunha imaxe na que se podía observar un lema usado polos populares lucenses, moi similar ao que agora elixiu o BNG: ‘Lugo en marcha’.
Non obstante, a pesar das críticas do PP e do seu afán por apropiarse desta frase, cómpre lembrar que esta é unha estrutura moi manida en diversas campañas: dende o ‘España en marcha’ de Ciudadanos nas pasadas eleccións de novembro ata o ‘Republique En Marche!’, o partido do francés Emmanuel Macron.
A campaña de @anaponton é tan sesuda que se baseou nun Ctrl+C e Ctrl+V de @PPConcelloLugo e @RafaDominguezPo https://t.co/sqK6bNXERr
— PP Concello Lugo (@PPConcelloLugo) January 16, 2020
Hola, @obloque de nada por dejaros el slogan de campaña….😉
Si no os ponéis ni vosotros mismos en marcha 😒… vais a poner a Galicia?
Tan mal no lo hacemos en el @PPConcelloLugo si tenéis q copiarnos… sabíamos q no teníais proyecto ni programa… pero de ahí a copiarlo 🤷🏽♂️ pic.twitter.com/g7gKCQi7sj
— Antonio Ameijide (@antonioameijide) January 16, 2020
O espírito de traballo e colaboración do @PPConcelloLugo chega a tal punto que ata servimos de inspiración ao @obloque. As nosas portas atópanse abertas pra aportarlles moitas máis ideas: Que non queden so nos lemas. 👍😏😇 pic.twitter.com/aLQKnECpfN
— Oscar Poy Franco (@OPoyF) January 16, 2020
