- Advertisement -
A Policía de Lugo tivo que intervir na madrugada deste mércores en dúas celebracións de Noiteboa na cidade que estaban a causar molestias á veciñanza polo alto nivel de ruído.
Segundo informou o Concello de Lugo, axentes da Policía de Barrio acudiron ás 2,50 horas e ás 3,50 horas, respectivamente, a dúas vivendas situadas na Rolda do Carmen e en Fontiñas, onde os veciños denunciaran forte ruído.
En ambos os pisos, explicaron, desenvolvíanse festas de Noiteboa nas que soaba música “cun volume que perturbaba o descanso dos veciños”. Os axentes falaron cos titulares das vivendas e informáronos dos prexuízos que producían, pedíndolles que baixasen o volume, algo que realizaron sen maior problema.
