Os servizos de emerxencias foron mobilizados á primeira hora desta mañá como consecuencia dun incendio nunha casa abandonada no centro urbano de Lugo, na Avenida de Madrid.

Segundo informa Cope Lugo, un particular avisou a través do 112 ás 08:57 horas de que se vía saír fume do inmoble, unha vivenda abandonada na que, nalgunha ocasión, os veciños da zona viran pasar a noite a un indixente.

O 112 mobilizou á Policía Local, á Agrupación de Voluntarios de Protección Civil e aos Bombeiros de Lugo, que están a traballar no punto. Tamén se deu aviso a Urxencias Sanitarias de Galicia-061 por se fose necesario atender a algunha persoa a causa do lume.