O BNG denunciou o “estado de abandono” no que se atopa a rede ferroviaria da provincia de Lugo cunha viaxe “simbólica” entre a capital e Sarria.

Nel participaron a cabeza de lista ao Congreso pola provincia, Olalla Rodil, acompañada por outros membros da candidatura e o tenente de alcaldesa de Lugo, Rubén Arroxo. “Unha vez máis, coincidindo coa campaña electoral, chegan os anuncios de licitacións que despois non chegan a materializarse. As forzas estatais  seguen con promesas mentres esta parte de Galicia segue, en novembro de 2019, coa mesma liña de tren de 1883″, manifestou Rodil.

Así, reclamou unha liña ferroviaria para Lugo “ben xestionada, con horarios que respondan as necesidades dos veciños e que faciliten a chegada ás grandes cidades e os transbordos con servizos de longa distancia”.