Dous anos depois un suposto traficante foi detido polo mesmo delito; trapichear con cocaína nunha vivenda da súa propieade, na rúa Lamas de Prado, segundo informou a Comisaría Provincial.

Esta nova detención foi motivada polas queixas veciñais que alertaron da posible existencia dun punto de venda de droga nese domicilio. A investigación posterior permitiu aos axentes encargados da chamada ‘Operación Floder’ identificar ao suposto traficante que se dedicaba á venda “polo miúdo de pequenas doses de cocaína a numerosos consumidores habituais”, que acudían ao seu domicilio ou aos arredores para comprar a droga, o que “xeraba malestar entre os veciños da zona”,

A detención do sospeitoso produciuse na rúa Anduriñas, cando se dispuña a pechar unha venda de droga.