O Concello de Friol custodia os cadros do pintor Labajjo Grandío, que foi achado morto na súa casa situada nunha parroquia de Vilafiz neste municipio o pasado 9 de outubro.
A pasada semana a Garda Civil, cun taxista de Friol que avisou de que non sabía nada del, entraron na súa casa e descubriron o cadáver deste artista. O corpo sen vida deste pintor, que levaba varios días morto, presentaba mordeduras de alimañas.
O alcalde de Friol, José Ángel Santos, confirmou que “todos os cadros” do pintor se atopan “en dependencias municipais á espera de que a xuíza que leva o caso indique o que hai que facer con eles”.
Son un total de 71 pinturas, que se atopan nas oficinas municipais e de cuxa seguridade “se fan cargo os axentes da Garda Civil” do Concello de Friol, sinalou o rexedor.
“Segundo me contan”, comentou o alcalde, ao pintor lucense, que era familia do artista Tino Grandío, “aparecéronlle dous fillos e unha filla”.
