O Partido Popular denunciou que unha fuga na rede municipal de augas fecais, detectada hai xa vinte e cinco días, provocou filtracións en varios garaxes dos portais 3 e 5 na Rúa Venancio Senra, no barrio do Sacro Corazón, onde os “malos cheiros que invaden as zonas comúns” han levado aos veciños a pedirlle unha solución “urxente” ao Concello.

O edil popular Rafael Pérez explicou que, “tras as evasivas que lles deu o goberno” local, os veciños destes inmobles víronse obrigados “a pagar a un fontaneiro”, que lles confirmou que as filtracións veñen da rúa e que a avaría ten que estar na rede de saneamento” municipal.

Por iso, o edil pediulles aos dous socios do goberno bipartito “máis coordinación e máis comunicación entre eles, e menos fotos”, porque “a xestión desta fuga é un auténtico despropósito”