InicioMedioambiente e PatrimonioIndignación polo patrocinio da Xunta á caza de arcea na Terra Chá

Indignación polo patrocinio da Xunta á caza de arcea na Terra Chá

O goberno autonómico colabora co tecor Terra Chá no campionato galego de caza de arcea de decembro, e inclúe o selo 'Deporte Galego'

PUBLICADA O

- Advertisement -

O Parlamento de Galicia aprobou en marzo eliminar a subvención e a presenza de cargos públicos na caza do raposo, mais semella que esta liña de acción non afecta a outros tipos de competicións cinexéticas. Este decembro celebrarase no tecor da Terra Chá o campionato galego de caza de arcea, co patrocinio da Xunta de Galicia e baixo o selo ‘Deporte Galego’.

Esta condición xerou inquedanza nos colectivos a prol dos animais, tanto polo apoio económico coma pola denominación deporte para un evento que cualifican de “pseudocompetición”. Así se pronunciaron Libera! e a Fundación Franz Weber, organizacións que consideran o soporte da Xunta á caza da arcea “lamentable e cruel”.

O campionato comezará o 15 de decembro no tecor Terra Chá, un enorme espazo de caza de 46.000 hectáreas entre os concellos da Pastoriza, Castro e Cospeito. Os animalistas cuestionan o papel das sociedades de cazadores como xestores do medio rural, alegando que en moitas ocasións os animais son repoboados e introducidos de xeito artificial. A arcea é un ave limícola que habita en bosques densos e húmidos, e que pasa o inverno en Galicia, a onde chega dende o centro e o norte de Europa.

As asociacións lamentan que o goberno do Partido Popular empregue a Fundación Deporte Galego como entidade colaboradora para subvencionar a eliminación de seres vivos, práctica que xera contaminación ambiental polo disparo de perdigóns de chumbo que poden envenenar outros animais e contaminar os acuíferos.

ÚLTIMAS

Unha muller morta e tres feridos, entre eles os seus fillos menores, nunha saída de vía en Xermade

Unha muller morreu na tarde deste luns nunha saída de vía en Xermade, na que...

Rueda ratifica a creación do edificio con 50 aloxamentos compartidos para mozos na rúa Illa Coelleira da cidade de Lugo

Lugo cidade e a provincia centraron este luns a reunión semanal do Executivo autonómico,...

Luz verde ambiental a un parque eólico de Naturgy en Láncara, Baralla, Castroverde e Baleira

O Diario Oficial de Galicia (DOG) informa este luns da declaración de impacto ambiental que...

Dous detidos e varios feridos tras unha pelexa con arma branca nun local de lecer de Lugo

Unha liorta nun local de lecer do barrio histórico de Lugo saldouse con dúas...