A segunda edición do Caudal Fest, “o último gran festival do verán” en Galicia, celébrase este fin de semana en Lugo e conta con superar as 30.000 persoas de asistencia ao día.
Cos horarios xa pechados, este venres 20 para as 20,50 horas está prevista a actuación dun dos principais alicientes do cartel deste ano, os navarros Marea, a xa mítica banda formada en 1997 por Kutxi Romero.
Pero ese día subiranse ao escenario outros dos dous grupos que prometen fornecer unha boa dose de festa e polos que existe unha alta expectación por parte do público: El Adhesivo, ás 19,15 horas; e LA M.O.D.A., ás 20,50 horas.
Xa o sábado, a xornada virá morcada por tres nomees, os de Xoel López (20,25 horas), Beret (22,05) e Izal (23,45 horas).
Para os máis alternativos, chaman a atención a participación dos lugueses Holywater (a súa quenda será temperán, ás 18,50 horas do sábado) e unha das bandas do momento, Carolina Durante, quen se deron a coñecer co seu himno dedicado aos ‘cayetanos’ (2,00 horas).
Entre a representación galega destaca a ourensá Marem Ladson, que encabeza unha das propostas de americana máis interesantes da Península e que chega despois de telonear a artistas como Cat Power (20,10 horas do venres) e Ortiga, que porá a bailar a todo o mundo a partir das 19,35 horas do sábado.
