InicioSociedadeO Concello de Lugo arranxará o 'leirapárking' en setembro

O Concello de Lugo arranxará o ‘leirapárking’ en setembro

Botarán unha capa de zahorra que impedirá a aparición de charcos e lameiras. Ademais, delimitarase a zona de paso da de estacionamento. As obras terán unha duración de tres semanas.

PUBLICADA O

- Advertisement -

EFE.- O alcalde en funcións de Lugo, o nacionalista Rubén Arroxo, anunciou que o Concello empezará o 2 de setembro as obras de acondicionamento do ‘leirapárking’ do Hospital Universitario Lucus Augusti (HULA).

Segundo precisou Arroxo, a actuación consistirá na colocación dunha “capa de zahorra sen finos de 10 centímetros, que permitirá a drenaxe de auga evitando que se formen charcos e lameiras“.  Ademais, “delimitarase a zona de paso da de estacionamento”, algo para o que se empregarán “zahorras de diferentes cores” co obxectivo de evitar o caos por vehículos mal aparcados.

Arroxo tamén indicou que “o ideal sería asfaltar, pero a día de hoxe, dado que o terreo está afectado por un 5% do Plan Xeral sen aprobar, non é posible”. “Na obra anterior utilizouse un material cunha granulometría demasiado fina, o que provocou -unido a que o final das obras coincidiu co inicio da época de choivas- multitude de charcos e lameiras”, precisou o edil nacionalista.

Segundo o goberno local, dita actuación é unha “reclamación das persoas usuarias do recinto”, onde a partir do 30 de agosto se colocarán os valos de peche para proceder ao comezo das obras o luns seguinte. As actuacións terán un prazo de realización previsto de tres semanas. EFE

 

ÚLTIMAS

A Garda Civil de Lugo identifica a tres autores de estafas a congregacións relixiosas

Unha investigación levada a cabo polo Equipo de Investigación Tecnolóxica da Policía Xudicial da Garda...

Lugo roza este mércores os -10 graos

As temperaturas mínimas rozaron este mércores os 10 graos negativos nas provincias de Lugo...

Un veciño de Zamora participa na ruta de 4×4 de Becerreá con matrículas falsas

A Garda Civil investiga a un veciño de Zamora de 37 anos como suposto autor dun...

Interceptado en Lugo un condutor que cuadriplicaba a taxa de alcol permitida e circulaba en sentido contrario

A Policía Local de Lugo interceptou este pasado fin de semana a un condutor que circulaba en...