A Deputación de Lugo anuncia a creación dunha Rede Profesional de Turismo Científico para o territorio dos Ancares e O Courel co fin de impulsar alternativas de ocio na provincia vinculadas á ciencia e á sostibilidade.
Esta Rede Profesional estará formada polos 16 concellos da provincia deste espazo natural, universidades, administracións encargadas da planificación e deseño de políticas turísticas, xestores públicos e tamén empresas de turismo, fundacións e investigadores, entre outros, vinculados ao turismo científico deste territorio.
O obxectivo é crear “estratexias que posicionen esta zona da provincia de Lugo como un destino turístico diferenciado, baseado na sustentabilidade, e vinculado ao turismo de natureza e á ciencia cidadá”, segundo asegurou a deputada Pilar García Porto, que se ocupa da área de Réxime Interior, Promocion do Territorio e Turismo.
Toda a información no Xornal de Lemos.
