InicioMovementos sociais"Pensamos que en Lugo non hai desafiuzamentos, pero a realidade é outra"

“Pensamos que en Lugo non hai desafiuzamentos, pero a realidade é outra”

Unha plataforma cidadá contra os desaloxos denuncia a "normalización" destas actuacións e a "desidia" das administracións. Por iso, reclaman un censo de vivendas baleiras que axuden a paliar o problema.

PUBLICADA O

- Advertisement -

A plataforma Stop Desafiuzamentos Lugo lamentou a “normalización” dos desaloxos por parte da sociedade e denunciou a “desidia” das administracións para facer fronte ao problema e “recuperar as vivendas baleiras sen uso”.

A plataforma ofreceu unha rolda de prensa este venres na capital lucense na que presentou un novo grupo de xente que levará a cabo unha campaña de denuncia pública para visibilizar o aumento de desafiuzamentos entre a mocidade, familias monomarentais e pensionistas, todos eles colectivos “moi precarizados” polos baixos ingresos.

A presidenta da Plataforma, Mina Galván, lamentou que “co tempo” téndese “a normalizar o problema dos desaloxos”. “Pensamos que na nosa cidade non existen, pero a realidade é outra”, engadiu. Nesta nova etapa, Stop Desafiuzamentos vai incrementar a denuncia pública para “tentar solucionar a falta de vivenda alcanzable e vai chamar a atención sobre a desidia das institucións para recuperar as vivendas baleiras sen uso”. Con isto, pretenden “ofrecer alternativas á xente con problemas de aloxamento e dar vida ás casas que se están caendo na cidade”.

Mina Galván avanzou que o novo equipo de traballo tamén vai reclamar ao Concello de Lugo “de forma moi activa” que se realice “un censo de vivendas baleiras para tentar paliar o problema”. Así as cousas, a plataforma, que decidirá o seu portavoz en asemblea, prevé conformar áreas de responsabilidade de carácter rotatorio co obxectivo de “dinamizar” o traballo e que os seus integrantes poidan involucrarse en “todos” os sectores.

+ posts

ÚLTIMAS

Case nove de cada dez euros para concellos do PSOE e BNG: a denuncia do PP contra a Deputación de Lugo

O reparto dos fondos da Deputación de Lugo a través de convenios cos concellos...

Tomé, convocado por “erro” á xunta de portavoces provincial para asinar a declaración contra a violencia de xénero

A sinatura da declaración institucional con motivo do 25 de novembro, Día Internacional da...

Desaloxados varios colexios en Lugo por ameaza de bomba

A Policía Nacional levou a cabo na mañá deste mércores desaloxos en colexios galegos...

Buscan en Suíza probas da falsa médica sobre a que pesa unha orde internacional de procura

O xulgado de instancia de Lugo, sección penal, praza 2, agarda resposta das autoridades...