O Concello de Lugo anunciou que nas vindeiras semanas comezarán as obras “para evitar os problemas que dá o leiraparking do HULA nas épocas de choiva”. Trátase de dar resposta así a unha demanda recorrente por parte dos usuarios desta zona de aparcamento gratuíta no hospital.
O tenente de alcalde, Rubén Arroxo, explicou que, “o ideal sería que se puidese asfaltar”. Porén, este terreo está afectado polo 5% do plan xeral sen aprobar, polo que non sería posible facer tal reforma. O que si que se fará será colocar unha “capa de zahorra sen finos de 10 cm, que permitirá a drenaxe de auga” e evitará que se formen “fochancas e lameiras”, segundo Arroxo. Ademais, empregarase zahorra de diferentes cores para delimitar a zona de paso da de estacionamento para evitar que haxa atascos provocados por vehículos mal estacionados.
Prevese que as obras comecen antes da tempada da choiva e que o seu período de execución sexa de tres semanas
