O alcalde de Monterroso (Lugo), Antonio Gato Soengas, cuxo partido independente logrou ser a forza máis votada do municipio por un único voto e así conseguir un edil máis que o grupo socialista, anunciou a súa intención de gobernar en solitario, mediante a “colaboración e cooperación” dos demais grupos políticos da corporación.
En declaracións a EFE, Gato Soengas, cuxa investidura se produciu o pasado venres, recoñeceu que a corporación local está “moi fragmentada” -4 edís Independentes por Monterroso, tres Partido Popular e PSdeG e un de Compromiso por Galicia-, polo que o goberno local verase obrigado a buscar acordos con outros partidos.
“Fixémoslle aos demais grupos unha oferta de colaboración e de cooperación, porque somos conscientes de que gobernamos en minoría, coa fórmula que eles” decidan, dixo Gato Soengas, que foi alcalde socialista durante 16 anos nunha etapa anterior.
“O novo goberno aínda está a iniciar o seu camiño no Concello”. Por iso, “aos poucos irase vendo a mellor fórmula para satisfacer os intereses dos veciños e dos grupos políticos”. “Esa é a cuestión”, resolveu.
