O Colectivo Patrimonio dos Ancares acaban documentar o que sería a primeira inscrición gravada en pedra da provincia de Lugo. Nela aparece a palabra latina IOVI, clara referencia ao deus Xúpiter, a deidade principal do panteón romano que na mitoloxía era considerado como o pai dos deuses.
A súa localización tivo lugar na Pena de Murias, na parroquia de Rao, concello de Navia de Suarna, un gran afloramento de cuarcita situado a media ladeira da Serra do Brañal, a 1.125 metros de altitude, asociado a unha explotación mineira de época romana que se levanta na marxe dereita do río de Murias, a carón do camiño que vai cara a Braña de Pandozarco e do Porto de Ancares. Ata agora só había tres deste tipo de inscricións documentadas en Galicia, as tres delas, en Ourense. Máis información en Historia de Galicia.
