Axentes do Corpo Nacional de Policía detiveron a tres homes pola comisión de catro roubos en domicilios de Lugo entre os días 15 e 18 de maio.
Segundo informou a Policía Nacional, os detidos, de idades comprendidas entre 24 e 30 anos, chegaron a España para traballar no sector da madeira, sendo a ligazón do traslado en España outro compatriota seu do gremio madeireiro.
O ‘modus operandi’ utilizado para acceder ás vivendas, relata a Policía, “era a forza (escalo, fractura de porta, de xanela)” para subtraer do interior das viviviendas diversa maquinaria, como radiais, trades, maquinaria de xardinaría, bombonas de butano, bebidas, comestibles e outros efectos.
Mesmo chegaron a subtraer nunha das vivendas forzadas un vehículo do garaxe –un Volkswagen Golf--, o cal era utilizado para a carga dos efectos roubados e os seus desprazamentos nocturnos ás vivendas forzadas.
En dous dos roubos os autores foron sorprendidos ‘in fraganti’ polos moradores das vivendas, onde “nun deles, o propietario, foi empuxado con violencia para conseguir fuxir cos efectos subtraídos do interior”, indica a Policía. No momento da detención, o tres homes ían no interior do vehículo subtraído e interviñéronselles numerosos obxectos froito dos roubos.
Os detidos foron postos a disposición do Xulgado de Instrución número 1 de Monforte de Lemos (Lugo), que decretou o ingreso en prisión de dous deles e o terceiro quedou en liberdade con medidas cautelares.
A intervención levouna a cabo o Grupo Local de Policía Xudicial e Grupo Local de Seguridade Cidadá da Comisaría Local de Monforte de Lemos.
