InicioLugo e contornaO BNG de Lugo propón a peonalización de toda a Rolda da...

O BNG de Lugo propón a peonalización de toda a Rolda da Muralla e unha zona pública de baño no Miño

O candidato do BNG á alcaldía de Lugo, Rubén Arroxo, acompañado da concelleira Maite Ferreiro, presentaron este martes o programa co que concorren ás eleccións municipais do 26 de maio, no que, entre outras cousas, propoñen a "peonalización" de "toda" a Rolda da Muralla.

PUBLICADA O

- Advertisement -

O candidato do BNG á alcaldía de Lugo, Rubén Arroxo, e a concelleira Maite Ferreiro presentaron este martes o programa co que concorren ás eleccións municipais do 26 de maio, no que, entre outras cousas, propoñen a “peonalización” de “toda” a Rolda da Muralla.

A formación comprométese a desenvolver este proxecto nun prazo de oito anos, “que sería o tempo preciso para crear as infraestruturas necesarias”, como aparcadoiros disuasorios na contorna da Muralla ou a modificación do servizo de autobuses, “aínda que para isto non se necesitan oito anos”.

Igualmente, explicaron, faranse “modificacións de tráfico”. “Isto ligarémolo tamén a outra cuestión, a que o tráfico na Avenida da Coruña terá que ser de saída” da cidade, en dirección ao Nacional V, apuntan.

“PARA QUE LUGO FUNCIONE”

Ademais, o BNG, que se presenta aos comicios municipais co lema ‘Para que Lugo funcione’, exponse a creación dunha zona pública de baño na contorna do río Miño, unha vella aspiración dos nacionalistas.

Outro aspecto que levan no programa é o de “cumprir a sentenza” sobre as torres do Garañón, que obriga á súa demolición e a “devolver eses terreos á legalidade”.

Finalmente, os nacionalistas tamén apostarán “pola transversalidade total das políticas feministas nas diferentes áreas do Concello e, así, disporase “unha dotación de recursos suficiente para que a Casa da Muller poida dar un servizo de atención integral ás mulleres as 24 horas”.

Da mesma forma, apostan por “observar o bo funcionamento dos pisos de acollida” e pola “boa coordinación da Casa da Muller cos centros sociais”.

+ posts

ÚLTIMAS

Case nove de cada dez euros para concellos do PSOE e BNG: a denuncia do PP contra a Deputación de Lugo

O reparto dos fondos da Deputación de Lugo a través de convenios cos concellos...

Tomé, convocado por “erro” á xunta de portavoces provincial para asinar a declaración contra a violencia de xénero

A sinatura da declaración institucional con motivo do 25 de novembro, Día Internacional da...

Desaloxados varios colexios en Lugo por ameaza de bomba

A Policía Nacional levou a cabo na mañá deste mércores desaloxos en colexios galegos...

Buscan en Suíza probas da falsa médica sobre a que pesa unha orde internacional de procura

O xulgado de instancia de Lugo, sección penal, praza 2, agarda resposta das autoridades...