A Garda Civil investiga un veciño de Castroverde como suposto autor dun delito contra a seguridade vial no termo municipal do Corgo. O home, de 61 anos, foi interceptado mentres conducía de noite a pesar do toque de queda. Ademais, ía borracho, coa ITV do vehículo caducada, co carné de conducir retirado e sen seguro obrigatorio.

O investigado foi sometido a unha proba de detección alcohóica, na que o resultado foi de 0,59 mg/l en aire aspirado. Ademais, o coche no que ía aínda figuraba a nome do seu antigo propietario. Foi posto a disposición xudicial.