InicioSucesosRestrinxido o tráfico nunha ponte de Begonte tras fundirse o firme da...

Restrinxido o tráfico nunha ponte de Begonte tras fundirse o firme da estrada

Os traballos para arranxar esta vía de titularidade provincial comezarán o vindeiro luns e prevese que rematen só unha semana máis tarde.

PUBLICADA O

- Advertisement -

A Deputación de Lugo informa de que o tráfico permanecerá restrinxido dende hoxe na ponte de Uriz, en Begonte, concretamente no punto quilométrico 1,100 da LU-P-5101, no límite co concello de Rábade. O motivo é o afundimento que se produciu onte á noite nunha parte da vía. Para garantir a seguridade, queda prohibido o paso de vehículos de máis de dez toneladas de peso e a velocidade limítase aos 40 quilómetros por hora.

O presidente do ente provincial, José Tomé, ordenou o inicio inmediato das obras de arranxo o vindeiro luns, coa previsión de que rematen unha semana despois, de xeito que a circulación quede normalizada. Os traballos, que se acometerán con cargo ás tarefas de conservación da rede viaria provincial, terán un custe aproximado de 10.000 euros e consistirán no baleirado e rexeneración con formigón da parte da calzada afundida, así como o posterior aglomerado.

Ata o comezo das obras, a empresa encargada da conservación da estrada e os técnicos provinciais realizarán dúas inspeccións diarias para supervisar o seu estado , por se fose preciso ampliar as medidas de seguridade.

+ posts

ÚLTIMAS

A residencia das Gándaras, en Lugo, supera os 9 millóns de investimento: máis habitacións individuais e melloras na seguridade

O Goberno galego deu luz verde este luns ao expediente de gasto da modificación...

Dous anos de prisión e multa de 2.195 euros por tentar introducir cocaína e haxix no cárcere de Bonxe

Unha moza acusada de tratar de introducir cocaína e haxix no centro penitenciario de...

Detidas dúas persoas en Lugo por cometer furtos en establecementos comerciais

Axentes da Policía Nacional de Lugo detiveron a un home e a unha muller...

OPINIÓN: Os que quedaron: memoria, ausencia e emigración no Día de Defuntos

Cada comezo de novembro, os cemiterios galegos énchense de flores, de visitas e de...