Tarde de sarabiada e moitos raios en Lugo

Houbo máis de 1.500 raios durante a tarde.

Actividade eléctrica na madrugada do mércores. En rosa, os raios detectados entre as 02.00 e as 04.00 horas, e en azul escuro, entre as 04.00 e as 06.00 horas | Meteogalicia
Actividade eléctrica con raios, chuvia, granizada e tronos | Meteogalicia

As tormentas que afectan á comunidade galega durante este xoves xa tiveron os seus primeiros efectos no territorio e víronse acompañadas de precipitacións, sarabiadas abundantes e máis de 1.500 raios.

O Goberno galego activou a situación de alerta laranxa nas zonas de Montaña e do centro de Lugo, mentres que na Mariña e no sur desta provincia declarouse o aviso de nivel amarelo.

Segundo trasladaron fontes de Meteogalicia a Europa Press, iniciáronse ao leste da provincia lucense, a máis afectada durante esta xornada, e fóronse movendo cara ao oeste e o norte.

As tormentas “foron abundantes”, puntualiza a entidade, e levaron consigo un intenso aparello eléctrico, sobre todo en Lugo, onde caeron a maioría de raios durante esta xornada. Esta situación rexistrouse especialmente entre as 16.00 e as 20.00 horas, cando se puido observar un incremento progresivo de actividade eléctrica desde os servizos de medición da entidade meteorolóxica.

Así mesmo, estiveron acompañadas de fortes sarabiadas e, nalgún caso, pedrullos. A sarabia apareceu, especialmente, no centro, o sur e o leste de Lugo, mentres que as choivas estendéronse por toda a provincia e a zona oriental da Coruña. Espérase que nas próximas horas haxa chuvascos.

O VENRES, EN ALERTA

O mal tempo continuará durante a madrugada e estenderase ao longo da xornada do venres. A Axencia Estatal de Meteoroloxía (AEMET) alertou de que un total de 14 provincias estarán en risco por tormentas fortes este venres, entre elas A Coruña e Lugo.

En concreto, afectarán á Coruña, Lugo, Cantabria e Asturias, onde poden ir acompañadas de chuvascos e refachos de vento fortes e saraiba.

DEIXAR UN COMENTARIO

Please enter your comment!
Please enter your name here