Elena Candia foi proclamada única candidata á presidencia do PP da provincia de Lugo pola comisión organizadora do congreso, segundo informa a organización. Deste xeito, a mindoniense optará á reelección sen ningún rival e continuará á fronte da dirección do partido outro catro anos máis.
Elena Candia entregaba este mércores á comisión organizadora do XVIII congreso provincial case 1.600 avais, formalizando así a súa candidatura a revalidar a presidencia do partido o próximo 19 de setembro.
Candia afrontará así unha nova etapa na que, segundo afirma, pretende liderar un proxecto baseado no traballo en equipo e unha estratexia de provincia, “avalada no diálogo e no consenso”, así como co obxectivo de gobernar no concello e a Deputación.
Segundo informa a formación, nas próximas semanas abrirase o prazo para a elección de compromisarios. Desde o 28 de agosto ao 8 de setembro, os afiliados poderán inscribirse para poder ser compromisario e poder votar así en urna o día do conclave.
