O deputado do Partido Popular, Joaquín García Díez, que foi alcalde de Lugo entre os anos 1995 e 1999, afirma que a Medalla de Ouro da cidade, que recibirán este sábado os rexedores que exerceron no últimos corenta anos de democracia, é en realidade un recoñecemento ás sucesivas corporacións municipais que serviron aos lucenses durante ese catro décadas.
García Díez afirmou que recibir a Medalla de Ouro da cidade de Lugo provoca nel un sentimento de “enorme gratitude”, mesturada “coa emoción por todos os recordos que vou ter que revivir ao recollela”, recoñeceu.
En todo caso, precisou que “esa medalla recíbea o alcalde, pero en realidade é un recoñecemento ao traballo dunha corporación, sen distinción algunha”. “Eu quero compartila con todos os concelleiros que formaron parte da corporación municipal durante o meu mandato”, dixo. “Moitos, a maioría, van estar alí presentes”, confirmou.
Ademais da García Díez, o pleno do Concello de Lugo acordou concederlle a Medalla de Ouro de Lugo a Xosé Novo Freire, Tomás Notario, Vicente Quiroga e José López Orozco.
