O Consello de Turismo de Galicia aprobou este luns, por unanimidade, o informe para a declaración da Feira do Poldro e do Gando do Monte de Muras e a Semana Santa de Lugo de interese turístico galego. 

O documento, que ten un carácter preceptivo e non vinculante, é un paso previo imprescindible para obter a distinción de interese turístico galego de xeito definitivo.

Tralo acordo, corresponde á Axencia Galega de Turismo elevar a solicitude ao Consello de Goberno da Xunta de Galicia, que é o organo encargado de resolver este tipo de recoñecementos.

A Festa das Cruces de Arante e a Romaría de San Brais de Bembrive tamén recibiron a aprobación do Consello de Turismo de Galicia para mudar en festas de interese turístico, non así a Festa Labrega da Chaira de Guitiriz, que quedou descartada no procedimento.

O turismo na provincia de Lugo: máis viaxieiros con maior estadía e gasto