O C.V. Emevé renova á central canteirana María Aguiar

A xogadora renova por unha tempada e competirá na Superliga 1, máxima categoría do voleibol español

María Aguiar. Foto de cvemeve.com

O Club Voleibol Emevé Lugo anunciou a renovación de María Aguiar. A central, de 26 anos e canteirana do club, renova por unha tempada e competirá en Superliga 1, máxima categoría do voleibol español.

O Emevé subliña que segue no “club que a viu medrar” e agradécelle “seguir confiando” na “familia” do club lucense.

Hoxe en día, o Emevé conta en plantilla coa citada central María Aguiar, a central Anllelivis Caballero, a receptora Lucía Prol, a líbero Eliana González, a colocadora Carmen Saá, a aposta Julia Paradela, a colocadora Ivelina Avramova, a receptora Tea Andric´, a líbero Paula Lorenzo e a colocadora María Rodríguez Sanjurjo. Anllelivis Caballero, Ivelina Avramova, Tea Andric´e María Rodríguez Sanjurjo son as catro fichaxes polo do momento.

O club lucense comezará a tempada o sábado 12 de outubro en Las Palmas contra IBSA CV CCO 7 Palmas.

3 COMENTARIOS

DEIXAR UN COMENTARIO

Please enter your comment!
Please enter your name here