InicioCulturaO Caudal Fest habilita a zona de acampada ante o cheo nos...

O Caudal Fest habilita a zona de acampada ante o cheo nos aloxamentos

O festival á beira do Miño dos días 21 e 22 de setembro contará cunha zona de descanso con controis de acceso, seguridade privada, duchas e cafetería

PUBLICADA O

- Advertisement -

O Caudal Fest, que terá lugar os días 21 e 22 de setembro na contorna do río Miño, vén de poñer á venda o servizo de zona de descanso, debido á alta afluencia de xente que haberá nesta primeira edición, con practicamente toda a ocupación hoteleira ao máximo en Lugo e arredores.

O festival está pensado para todo tipo de públicos. Desenvolverase ao longo de dúas xornadas, o venres 21 e o sábado 22 de setembro. O primeiro día será de balde, no corazón de Lugo, a Praza de Santa María; os protagonistas do venres aínda están por desvelar. O segundo día será de pago e terá lugar na contorna do Miño, un entorno que dotarase de servizos e converterá o Caudal Fest nun dos festivais urbanos con maior atractivo medioambiental.

Na zona de descanso poderase acampar ao carón do recinto principal, e contará con diferentes vantaxes: control de acceso 24 horas, seguridade privada, baños, duchas de auga quente e cafetería, entre outros.

A adquisición das prazas de descanso está dispoñible na web oficial do evento, en forma de parcelas de 2 persoas cun prezo de 19 € por persoa, incluíndo acceso dende o mediodía do venres ata o mediodía do domingo do festival. Dado que a capacidade é limitada, Caudal Fest fai un chamamento a facer a reserva do espazo canto antes.

Dende o Concello agardan que o Caudal Fest supoña un alto retorno económico e mediático co que completar a axenda de actividades que Lugo ofrece ao longo do ano. Neste senso, o festival promoverá a imaxe da cidade a través do seu patrimonio medioambiental, histórico e cultural. A escasa distancia do escenario atópanse a Ponte Romana e as Termas, conectadas coa cidade a través da Vía Romana XIX, símbolos do legado dos nosos devanceiros.

Consulta o cartel e os prezos nesta ligazón

ÚLTIMAS

Mochilas sensorias neurodiverxentes nos Museos de Lugo

Os museos provinciais --Museo Provincial de Lugo, Museo do Mar de San Cibrao, Museo...

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...