- Advertisement -
Un incendio forestal está activo no Concello de Cervantes e afectou polo de agora a 20 hectáreas de monte. O lume foi declarado na parroquia de Donís o xoves, ás 18.08 horas, segundo informou a Consellería de Medio Rural nun comunicado.
Os axentes forestais indicaron que as lapas poden ter orixe nun raio. A Dirección Xeral de Emerxencias e Interior informara dun aviso amarelo por tormentas na Montaña.
No control do incendio traballan tres axentes, trece brigadas, dúas motobombas e catro helicópteros.
ACTIVO un incendio forestal no concello lugués de Cervantes, parroquia de Donís, que segundo as primeiras estimacións afecta unha superficie de 20 hectáreas de monte raso. #IFDonísCervantes
— incendios 085 (@incendios085) 28 de septiembre de 2018
