InicioEconomíaA Deputación arranxa as tres explanadas do campo da festa en Xermade

A Deputación arranxa as tres explanadas do campo da festa en Xermade

O goberno provincial adica 30.000 euros á renovación do acceso da escolas de Candamil e Miraz, e na contorna do campo de Momán

PUBLICADA O

- Advertisement -

A Deputación de Lugo investiu 30.000 euros na renovación dos espazos públicos de Xermade. A intervención comprendeu a pavimentación de tres explanadas empregadas acotío como punto de reunión da veciñanza e como lugar de celebración das festas do Concello. As obras eran imperantes polo mal estado do firme, con áreas visiblemente deterioradas e importantes fochancas.

Os tres espazos en cuestión son o acceso frontais das escolas de Candamil e Miraz, e maila contorna do campo de fútbol de Momán. Os centros de ensino serven durante o inverno de centros sociais, nos que se fan xuntanzas e comidas. Así, o arranxo das explanadas anexas facilitará o seu uso como aparcadoiro e a eventual instalación das carpas para as festas patronais.

Campo de fútbol de Momán | Deputación de Lugo
Campo de fútbol de Momán | Deputación de Lugo

Do mesmo xeito adoita empregarse a superficie aberta fronte ao campo de fútbol, cerna das festas do Entroido. A instalación convive cun parque infantil e mais unha área recreativa, polo que se trata dun punto de encontro das xentes de Xermade. Por outra banda, a explanada está asemade preto do corazón da vila, xunto á frecuentada zona de bares.

Dende a Deputación explican que esta actuación enmárcase nunha política de igualdade de oportunidades, para garantir o desfrute de infraestruturas axeitadas sen importar o lugar de residencia. Un esforzo orientado, como é lóxico, cara as poboacións do rural con menor marxe para o investimento.

ÚLTIMAS

Mochilas sensorias neurodiverxentes nos Museos de Lugo

Os museos provinciais --Museo Provincial de Lugo, Museo do Mar de San Cibrao, Museo...

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...