InicioEconomíaConcentración en Vilalba para denunciar que a venda a perdas de carne

Concentración en Vilalba para denunciar que a venda a perdas de carne

"É un sector que sofre moitísimo a crise pola subida dos custos de produción e por uns prezos conxelados desde hai 30 anos", sinala o Sindicato Labrego Galego.

PUBLICADA O

- Advertisement -

O Sindicato Labrego Galego (SLG) convoca este xoves unha concentración en Vilalba para denunciar que se segue producindo carne a perdas.

A secretaria xeral do Sindicato Labrego Galego, Isabel Vilalba, advertiu que, cos datos oficiais do estudo que encargou a Consellería de Medio Rural á Fndación Juana de Vega, “estipúlase que os prezos estarían ao redor de 6,20 euros” por quilo de carne. Por iso, “todo o sector está a venderse a perdas e coa lexislación vixente sería unha auténtica ilegalidade”.

A líder do Sindicato Labrego afirmou que “o sector da carne é vital para moitas zonas do interior e da montaña en Galicia”. “É un sector que sofre moitísimo a crise pola subida dos custos de produción e por uns prezos conxelados desde hai 30 anos”, subliñou.

Isabel Vilalba destacou que o da carne é “un sector que, por exemplo, se considerou prioritario no principio do ano, pola súa dificultade, pero o que se ve é que non se toman medidas efectivas”.

“En relación aos prezos considerabamos que debía de haber compromisos firmes de revalorización porque é un produto de enorme calidade. Aí está Tenreira Galega, que nos últimos anos se asentou con Tenreira Galega Suprema, que son animais que están nos pastos, coas súas nais, e correspóndese coa calidade e o benestar animal que demanda a sociedade”, sinalou.

Finalmente, volveu invocar a “necesidade” de que se concreten “axudas” a un sector con “serios” problemas en canto a rendibilidade e viabilidade.

ÚLTIMAS

Rueda ratifica a creación do edificio con 50 aloxamentos compartidos para mozos na rúa Illa Coelleira da cidade de Lugo

Lugo cidade e a provincia centraron este luns a reunión semanal do Executivo autonómico,...

Luz verde ambiental a un parque eólico de Naturgy en Láncara, Baralla, Castroverde e Baleira

O Diario Oficial de Galicia (DOG) informa este luns da declaración de impacto ambiental que...

Dous detidos e varios feridos tras unha pelexa con arma branca nun local de lecer de Lugo

Unha liorta nun local de lecer do barrio histórico de Lugo saldouse con dúas...

Besteiro reclama “máis forza municipalista” no congreso de proclamación de Tomé como secretario do PSOE en Lugo

O presidente da Deputación de Lugo, José Tomé, foi proclamado este sábado secretario provincial do PSOE no...