Esta fin de semana rematan os festexos do San Ramón e Santa María de Vilalba.
Para este venres 2 de setembro está programado para primeira hora da tarde o Día infantil na Praza da Constitución, lugar onde a continuación, sobre as 19:30 h. haberá un espazo para os e as amantes do xadrez. E pola noite, un dos pratos fortes do programa deste ano, concerto de Manu Chao ás 22:30 h. na Praza de Santa María.
O sábado 3 de setembro pola mañá a música de rúa será protagonista pola mañá para pasar a testemuña na sesión vermú ao Dúo Estrellas. A Praza da Constitución acollerá o tráiler do Mago Antón con pases de mañá e de tarde.
Ás 17:00 h. a mesma praza acollerá un obradoiro de pompas e ás 20:00 h. o Auditorio Municipal será o escenario onde se desenvolva o XVI Festival de Bandas Pepe Guntín. E para pechar a xornada, verbena coa orquestra Olympus e o Dúo estrellas.
Como peche, o domingo 4 de setembro, será o ‘Día das Parroquias’, nesta ocasión de dedicado a San Cosme de Nete, e pasarrúas coas charangas ‘Asubíos da Chaira’ e ‘Charanga de Vilalba’. A sesión vermú correrá a cargo de Orquestra Fuego e xa pola tarde, ás 18:00 h., chegará o espectáculo ‘Don Gaiferos e o Dragón’ para a cativada.
O ramo poñerao o grupo de música tradicional Treixadura, na Praza da Constitución ás 22:00 h.
