InicioTerra CháMurasO exalcalde de Muras Isaam Algnam Azzam enfróntase a 12 anos de...

O exalcalde de Muras Isaam Algnam Azzam enfróntase a 12 anos de inhabilitación por prevaricación

Fiscalía solicita que sexa inhabilitado para desempeñar un emprego ou cargo público durante 12 anos.

PUBLICADA O

- Advertisement -

Isaam Algnam Azzam, exalcalde de Muras, sentará no banco na Audiencia Provincial de Lugo o venres 9 de xullo para responder dun suposto delito continuado de prevaricación durante a súa etapa como rexedor desta localidade lucense. Fiscalía solicita que sexa inhabilitado para desempeñar un emprego ou cargo público durante 12 anos.

No foco está o período comprendido entre 2010 e 2013, no que, segundo recolle o escrito fiscal, ditou resolucións da Alcaldía nas que figuraba como interesada a súa esposa, con quen está casado en réxime de gananciais.

En concreto, ditou resolucións como a reparación dun tellado, ou o amaño do camiño dunha leira en Goibetas, así como diversas certificacións de clasificación urbanística de parcelas propiedade da súa muller “incumprindo o deber de abstención que lle correspondía polo interese persoal e resultar beneficiario”.

En todo caso, precísase que ningunha desas infraccións foron relevantes para determinar a súa invalidez, dado que o resultado nas mesmas sería o mesmo.

EN CONTRA DO ORDENAMENTO XURÍDICO

Pero isto non ocorre, puntualiza o escrito fiscal, na que incumbe á licenza de obras para a legalización de nave e actividade en Cal do Baño, onde o exrexedor –remarca– “a propósito da súa arbitrariedade e sendo plenamente consciente de que actuaba de forma contraria ao ordenamento xurídico” ditou varias resolucións coas que trataba de legalizar unha nave de nova construción amparada por unha licenza para alpendre outorgada en 2003.

Esta nave estaba situada nunha parcela, continúa o escrito, da que o acusado era “plenamente consciente” de que se trataba de chan rústico de protección de espazos naturais.

Así mesmo, “a propósito da súa inxustiza”, o que no seu día foi rexedor da localidade baixo as siglas do PP acordaría outra resolución para anular os recibos correspondentes á taxa de residuos sólidos urbanos para varios inmobles, “incumprindo o deber de abstención que lle correspondía e prescindindo de forma absoluta do procedemento legalmente previsto para a súa adopción”.

ÚLTIMAS

O BNG insta o Senado a rexeitar o proxecto de Altri tras o “clamor social” manifestado en Palas de Rei

A senadora do BNG, Carme da Silva, defenderá esta semana unha moción no pleno da Cámara...

Tres feridos nun accidente entre un turismo e un camión en Vilalba

Tres persoas resultaron feridas este luns nun accidente de tráfico rexistrado na autovía A-8...

Paula Alvarellos reactiva os contactos co IGVS sobre os proxectos de Casa Torre, Dona Urraca e O Castiñeiro

A alcaldesa de Lugo, Paula Alvarellos, retomou as conversacións co Instituto Galego de Vivenda e Solo para avanzar...

Destinaranse tres millóns de euros ó proxecto de reforma do estadio Anxo Carro

A Xunta de Galicia espera licitar en xaneiro de 2025 a obra de reforma...