InicioSociedadeAbren xuízo oral contra a nai de Desirée, acusada de matar a...

Abren xuízo oral contra a nai de Desirée, acusada de matar a nena en Muimenta

O auto sinala que a sospeitosa tramou un plan para acabar coa vida da filla mediante a asfixia.

PUBLICADA O

- Advertisement -

EFE | O Xulgado de Instrución número 1 de Vilalba ditou auto de apertura de xuízo oral contra a acusada de matar á súa filla en Muimenta (Cospeito) en maio de 2019. O caso será axuizado por un xurado popular na Audiencia Provincial de Lugo, segundo informa nun comunicado o Tribunal Superior de Xustiza de Galicia.

A instrutora, que mantén a prisión provisional, comunicada e sen fianza da sospeitosa, entende que das dilixencias practicadas despréndese “a existencia de indicios racionais de criminalidade” contra a investigada e considera que os feitos poderían ser tipificados como constitutivos dun delito de asasinato con aleivosía, concorrendo as agravantes de parentesco e a atenuante de anomalía ou alteración psíquica.

A titular do Xulgado de Instrución número 1 de Vilalba sinala no auto que existen indicios de que a nai urdiu un plan para acabar coa vida da nena Desirée, de tan só sete anos.  Durante a madrugada do 2 ao 3 de maio, segundo indica no auto, presuntamente asfixiouna coas súas mans. A nena, que durmía na mesma cama que ela, chegou a espertarse e a opoñer resistencia.

A acusada, segundo consta na resolución, foi diagnosticada dun trastorno de personalidade de tipo mixto e dun trastorno psicótico, os cales puideron afectar de maneira parcial ás súas capacidades intelectivas e volitivas.

A xuíza ditou a apertura de xuízo oral sen a celebración da audiencia preliminar ao renunciar a defensa a ela, tal como se recolle no artigo 30.2 da Lei do Xurado.

ÚLTIMAS

Remite o temporal que deixa moita neve, inundacións e estradas cortadas en Lugo

Os efectos do temporal remitiron nas últimas horas en Galicia, cun descenso no volume de precipitacións...

A neve dificulta a circulación en Lugo e os camións non poden circular pola LU-633 en Pedrafita do Cebreiro

A caída de neve dificultou a circulación na provincia de Lugo e, en concreto,...

Desestimada a demanda da irmá dunha muller asasinada por mal funcionamento da Casa da Muller de Lugo

O Xulgado do Contencioso-administrativo número 2 de Lugo desestimou a demanda presentada pola irmá da muller...

O PP de Lugo di que o anuncio da rehabilitación da N-540 dilata tres anos unhas obras que deberían ser urxentes

O PP de Lugo considera insuficiente o anuncio da adxudicación das obras de rehabilitación do firme...