InicioEconomíaO cemiterio de Pino, en Cospeito, contará cun acceso renovado

O cemiterio de Pino, en Cospeito, contará cun acceso renovado

A Deputación asina un convenio coa Asociación Cultural San Martiño do Pino do Concello de Cospeito para ensanchar o acceso e facer un novo peche

PUBLICADA O

- Advertisement -

O camposanto da parroquia de Pino, en Cospeito, presenta evidentes problemas de conexión. Os vehículos deben proceder por unha estrada estreita de máis e apenas poden acceder ao interior do recinto, un contratempo para os coches fúnebres, polas súas dimensións. Por iso, a Deputación de Lugo comprometeuse a financiar a mellora desta infraestrutura.

O goberno provincial asinou un convenio coa Asociación Cultural de San Martiño de Pino para arranxar a entrada e o peche do cemiterio. A obra conta cunha achega de 10.000 euros, tal e como avanzou o presidente da Deputación, Darío Campos. “Con esta actuación damos resposta a unha demanda dos máis de 400 veciños que empregan este acceso ao longo do ano”, explicou.

Campos apuntou que “trátase duns traballos moi necesarios, pois a actual entrada é demasiado estreita e os vehículos teñen dificultades para acceder ao interior do recinto”. Concretamente, aludiu á problemática dos coches fúnebres, “que polas súas dimensións, atopan verdadeiros problemas para maniobrar”.

A intervención principal consistirá no ensanche do acceso. Farase un novo peche, co que facilitar a entrada de vehículos, especialmente cando hai enterros e se produce unha maior aglomeración de coches nas inmediacións do cemiterio. As obras levaranse a cabo nas vindeiras semanas.

ÚLTIMAS

Coñece navegando o corazón da Ribeira Sacra

Os canóns do Sil son un dos monumentos naturais máis impresiontantes de Galicia. Son...

Terá Lugo nova estación de tren e autovía a Santiago en 2025?

O ministro de Transportes e Mobilidade Sustentable, Óscar Puente, garantiu este venres en Lugo que...

Falece un home en Vilalba tras saírse da vía co seu vehículo e chocar contra outros dous estacionados

Un home perdeu a vida tras saírse da vía co seu vehículo e chocar...

O Arde lucus xa está aquí, as lexións romanas tomaron a cidade

Preto de chegar ás 21,00 horas na ponte romana da cidade, dun lado estaban,...