Concentrados a carón da Delegación da Xunta en Lugo, os empregados da residencia de maiores de Castro Ribeiras de Lea protestaron este venres polas condicións laborais ás que os somete a empresa concesionaria. Denuncian que se está a incumprir o convenio que rixe este centro da Xunta de Galicia –con 105 profesionais que atenden a 172 usuarios– logo dos reaxustes realizados pola dirección.
O presidente do comité, Manuel Pérez, explicou que os traballadores do centro residencial de Castro están en desacordo coas carteleiras ditadas pola empresa en 2018, como tampouco aceptan as de 2019. “Os empregados saen perdendo cos cambios”, asegurou Pérez, quen denunciou que a non compensación dos festivos e o aumento das horas de traballo incumpre o convenio.
As centrais sindicais Comisións Obreiras, Confederación Intersindical Galega e Unión Xeral de Traballadores anuncian que, de non producirse acordo, levarán o asunto perante a xustiza na forma de conflito colectivo. “Xudicializaremos as carteleiras e chegaremos onde faga falla, porque o persoal non está conforme cos movementos da empresa”, reivindicou o presidente do comité. Hai previstas novas concentracións.
presentarán conflito coletivo para que a xustiza dirima.
Os sindicatos UXT, Comisións Obreiras e CIG xa anunciaron que presentarán nos xulgados unha demanda de conflito colectivo. “Se non hai acordo xudicializaremos as carteleiras e chegaremos onde faga falta porque o persoal non está conforme cos últimos movementos da empresa”, manifestou o presidente do comité, que, ademais, advirte de que se irán acordando futuras concentracións”.
Neste momento son uns 105 os traballadores desta residencia, que conta con 172 usuarios.
