- Advertisement -
Unha muller tivo que ser excarcerada do vehículo que conducía tras sufrir unha saída de vía en Abadín e quedar atrapada no mesmo.
Os feitos tiveron lugar sobre as 9,30 horas deste mércores na estrada que une Moncelos e A Pastoriza. Tras ser alertados do sinistro por Urxencias Sanitarias de Galicia-061, os xestores do 112 Galicia pasaron o aviso aos Bombeiros de Vilalba, a Garda Civil de Tráfico e o servizo de mantemento da vía.
Posteriormente, a muller e única ocupante do turismo, que quedara atrapada no seu interior, foi excarcerada polos Bombeiros de Vilalba para poder ser atendida polos servizos sanitarios desprazados ao lugar.
