Veciños de Abadín e a propia candidatura socialista tiveron coñecemento e localizaron ó Alcalde e candidato do Partido Popular, José María López Rancaño, pedindo o voto neste sábado, xornada de reflexión. Por tales feitos, o candidato socialista á Alcaldía da localidade, Pablo Díaz, presentou esta mesma maña unha denuncia ante a Garda Civil e o partido trasladou á Xunta Electoral de Zona de Mondoñedo estes supostos, que van en contra da Lei que regula o proceso electoral.
IRREGULARIDADES TAMÉN EN FRIOL
No caso de Friol, os socialistas denunciaron ante a xunta electoral de zona de Lugo que o alcalde e candidato do PP no municipio, José Ángel Santos, enviou a cada domicilio propaganda electoral, en formato revista, “usando datos persoais dos veciños”. Un envío que, segundo sinalan, realizouse con anterioridade ao que todas as candidaturas realizan co sobre de votación e a carta do candidato.
Así, o PSOE local sospeita que o rexedor puido utilizar o padrón municipal para obter os datos dos veciños, algo que incumpriría a lexislación. Na denuncia, explica o PSOE lucense, tamén se pide á xunta electoral que comunique estes feitos á Axencia Estatal de Protección de Datos para a súa posible actuación e que se traslade ao Tribunal de Contas.
