Unha muller de arredor de oitenta anos foi trasladada de urxencia ao HULA apois de caer dende a muralla de Lugo, á altura da Porta do Carme, sobre as 9.45 horas.
Emerxencias recibira aviso de varias testemuñas que alertaron, pasadas as nove da mañá do xoves, de que esta muller tiña ‘intención’ de precipitarse dende a Muralla. A situación foi posta en coñecemento da Policía Nacional.
Sobre as 9.45 horas, os servizos sanitarios tiveron que trasladar de urxencia á muller, cun traumatismo severo na cabeza e sangrado abundante. Non trascendeu a evolución da persoa, ingresada no HULA.
Fontes da Policía Nacional confirmaron a este xornal que están a investigar o suceso, para esclarecer se foi fortuíto ou existiu intención por parte da muller hospitalizada.
