- Advertisement -
Unha persoa resultou ferida este martes tras envorcar o vehículo no que circulaba pola estrada LU-122, na localidade lucense da Pastoriza.
Segundo informou o 112 Galicia, o sinistro ocorreu sobre as 12.00 horas no quilómetro 8 desta vía. A persoa que contactou coa central de emerxencias explicaba que un vehículo quedara envorcado cunha persoa no seu interior que non era capaz de saír de habitáculo.
Con estes datos, os operadores do 112 deron aviso ao Servizo de Urxencias Sanitarias de Galicia-061, aos Bombeiros de Vilalba, ao GES da Pontenova e á Garda Civil de Tráfico.
Xa no lugar, os servizos de emerxencias tiveron que empregar material de excarceración para liberar ao ferido.
