- Advertisement -
Unha persoa tivo que ser excarcerada durante a madrugada deste domingo tras envorcar o seu vehículo no municipio lucense do Corgo. En concreto, o accidente tivo lugar no quilómetro 484 da N-V, na parroquia de Gomeán.
Segundo informa o 112 Galicia, tivo coñecemento do suceso ao redor das 00.55 horas a través da chamada dun particular que viu o coche envorcado desde o seu domicilio e advertiu de que podería haber persoas atrapadas no seu interior.
Deste xeito, a sala de operacións informou o Servizo Galego de Emerxencias Sanitarias-061, ao Corpo de Bombeiros de Sarria e a axentes da Garda Civil de Tráfico. Unha vez no lugar, os Bombeiros liberaron á persoa atrapada, quen posteriormente foi atendida polo equipo médico despregado.
