A Garda Civil investiga a un home das Pontes, de 70 anos, como suposto autor dun incendio forestal que ocorreu en agosto na parroquia de Monteseiro, na Fonsagrada e que calcinou 140 hectáreas.

Segundo informou o Instituto Armado, durante a investigación, o Equipo Multidisciplinar de investigación de incendios forestais, constatouse que a orixe do incendio debeuse a traballos de curta e roza realizados por maquinaria de xardinaría para limpar parte dunha zona forestal.

As persoas investigadas en que vai de ano como supostos autores dun delito de incendio forestal, foron na súa maioría por imprudencias, sendo as causas máis habituais o incumprimento nas condicións impostas na autorización ou comunicación na realización de queimas, imprudencias en traballos forestais e dolo.

A Garda Civil insta a tomar medidas preventivas para evitar os incendios forestais, lembrando a normativa vixente sobre o uso do lume e protección forestal.