- Advertisement -
Tres das seis persoas que tiveron que ser ingresadas a pasada fin de semana no Hospital Lucus Augusti (HULA) tras intoxicarse cun café contaminado con deterxente durante as festas de San Froilán, en Lugo, seguen hospitalizadas. Os feitos sucederon o venres pola noite nunha pulpería da Ronda das Fontiñas e unha das persoas xa foi dada de alta o sábado, mentres que as outras dúas fixérono o domingo. Os tres ingresados seguen en supervisión médica para control e vixilancia, xa que a súa afectación era maior.
