Un total de trece condutores foron sancionados en Lugo por conducir baixo os efectos de alcol ou drogas ou por carecer do permiso de condución. Así o informa o consistorio no parte de incidencias das últimas horas e tras intensificar estes días os controis nas vías do centro urbano.

En concreto, os efectivos detectaron sete persoas que cometeran delitos contra a seguridade viaria. Dous delas circulaban baixo a influencia de bebidas alcóholicas e sen carné de conducir; outro tres deron positivo en consumo de alcol, unha arroxando un resultado que quintuplicaba a taxa permitida; e outros dous, sen permiso de condución.

Houbo tamén catro alcoholemias con sanción administrativa. A estas sumáronse dous condutores que deron positivo en probas de drogas no transcurso de diversos filtros de seguridade viaria, segundo traslada o Concello.