Os servizos de emerxencias traballan a esta hora na extinción dun incendio nas instalacións dunha explotación gandeira situada na parroquia de Lea, no municipio lucense de Friol.

Segundo informou o 112 Galicia, foi un un particular quen, sobre as 10.45 horas deste venres, alertou á central de emerxencias de que había lume nestas instalacións.

Así, os operadores do Centro Integrado de Atención ás Emerxencias de Galicia activaron un operativo para que o que mobilizaron a persoal do Servizo de Urxencias Sanitarias de Galicia-061, aos Bombeiros de Vilalba, ao GES de Friol-Pas, á Garda Civil e a voluntarios de Protección Civil da localidade.

Ao chegar ao momento, os efectivos desprazados ao lugar comprobaron que ardía herba seca no interior dunha nave. Ademais, explicaron que os propios particulares xa sacaran aos animais, mentres que un tractor ardera por completo.

Agora, os servizos de emerxencias continúan traballando no punto retirando con maquinaria a herba seca que había na nave e apagándoos unha vez no exterior.