Un accidente de circulación con tres vehículos implicados en Lugo deixou outros tantos feridos, entre eles, unha muller que resultou atrapada no coche no que viaxaba e que tivo que ser liberada polos bombeiros con material de excarceración.
O sinistro produciuse ás 16,10 horas deste venres no quilómetro 83 da estrada N-640, á altura da parroquia de Teixeiro, segundo informou o CIAE 112 Galicia. A central de emerxencia recibiu o aviso a través do sistema ‘e-call’ dun dos coches implicados e activou un dispostivo no que participaron bombeiros, Urxencias Sanitarias e as forzas da orde.
Alí, os bombeiros excarceraron á muller atrapada no coche, posteriormente atendida polos profesionais de Urxencias Sanitarias 061, que tamén evacuaron a un hospital ás outras dúas persoas feridas.
