- Advertisement -
Un mozo de 27 anos faleceu este sábado tras sufrir unha saída de vía e caer ao río Azumara, ao seu paso pola localidade lucense de Pol.
Ocorreu á altura do punto quilométrico 103 da estrada LU-P-1611 sobre as 23:00 horas. Nese momento, un particular alertaba ao 112 Galicia de que un vehículo sufrira unha saída de vía e caera ao río. Ademais, na súa comunicación, sinalaba que o condutor podía estar atrapado.
Con esta información, os operadores da central de emerxencias avisaron ao Servizo de Urxencias Sanitarias de Galicia-061, á Garda Civil de Tráfico, á Agrupación de Voluntarios de Protección Civil de Pol e aos Bombeiros de Vilalba, que tiveron que empregar material de excarceración para liberar ao condutor e único ocupante do vehículo.
