Dous homes foron identificados por supostamente agredir ao dono dun bar no que se atopaban. Un dos presentes chamou á Policía pola pelexa e recibiu uno puñada no ollo dun dos agresores.

Segundo informa a Policía Local de Lugo nun comunicado, o suceso tivo lugar na medianoite entre o mércores e o xoves na Ronda das Fontiñas por unha pelexa nun establecemento de hostalaría.

O alertante dos feitos tivo que ser trasladado ferido a un centro hospitalario. Declarou a súa intención de presentar denuncia polos feitos e sinalou aos axentes quen fora o agresor, que foi identificado.

O propietario de local dixo que fora agredido polos dous homes, quen causaran altercados pola tarde a outros clientes. Estes dous individuos “presentaban claros signos de inxerir bebidas alcohólicas e dixeron ser agredidos polo dono do bar”.