- Advertisement -
Unha muller presentou denuncia contra a súa parella por sufrir unha agresión en plena rúa en Lugo, ademais de sufrir o roubo do seu teléfono móbil.
Segundo informa a Policía Local de Lugo, na tarde do pasado mércores, recibiu información de que unha muller estaba a ser agarrada polo pescozo por un home na rúa Lambas de Prado. Os axentes localizaron á vítima, en evidente estado de axitación, a cal detallou a agresión e indicou por onde se marchou o home.
A Policía organizou un dispositivo de procura que foi infrutuoso polo momento, segundo expón nun comunicado. A muller, que declinou recibir asistencia médica, foi trasladada a dependencias policiais para formalizar denuncia.
