A Policía Nacional detivo por tráfico drogas a un home en Lugo que facía entregas na cidade mediante o uso dun patinete eléctrico.

Nun dispositivo de prevención en relación con venda polo miúdo de drogas, os axentes observaron a un home en patinete eléctrico que se achega a varios individuos e fai un intercambio rápido de sustancias estupefacientes por diñeiro.

Segundo informa a Policía nun comunicado, os axentes deron o alto ao vendedor, o cal se deu á fuga en patín. Tras unha persecución de varios minutos, foi interceptado por un dos policías, o cal resultou ferido cun dedo roto para conseguir reducir ao home.

A Policía dá así por erradicado un punto de venda ambulante pola cidade. Interviñéronselle uns cen euros froito das vendas de droga realizadas, así como a sustancia estupefaciente.