A Garda Civil detivo a un home, de 38 anos e veciño de Barcelona, en Pedrafita do Cebreiro mentres circulaba en furgoneta pola N-V e transportaba 100 gramos de cocaína nunha mochila.

Segundo informou o Instituto Armado, o home foi detido este xoves ás 20:00 horas como presunto autor dun delito contra a saúde pública. As dilixencias policiais e o detido foron postos na mañá deste venres a disposición xudicial.