Efectivos da Policía Nacional de Lugo desarticularon un punto de venda de droga na cidade, onde detiveron a un home e interviñeron 140 doses de haxix. Os feitos foron denunciados polos veciños e comerciantes da zona, tras o que os axentes estableceron un dispositivo de comprobación e verificación dos feitos.

A investigación centrouse na contorna do domicilio do agora detido e, tras detectar as transaccións ilícitas, procedeuse á súa detención e traslado a dependencias policiais. Durante o rexistro domiciliario interviñéronse unhas 140 doses de haxix, unha balanza de precisión, diñeiro procedente das vendas e diferentes elementos relacionados coa manipulación e venda de sustancias estupefacientes.