Un veciño de Lugo, de 47 anos, foi detido por un suposto delito de violencia de xénero por empuxar á súa parella contra a parede en plena rúa. Segundo informa a Policía Local de Lugo nun comunicado, na madrugada do 16 de xuño, unha patrulla do Grupo Operativo Nocturno, á altura de Porta Santiago, observa a unha muller atemorizada, que estaba a chorar e moi nerviosa. Aseguraba que un home do que tiña unha orde de afastamento estaba á perseguir, polo que saíu correndo cara á Muralla.

A muller relataba que a parella que estaban a cear nun restaurante de Praza do Campo onde discutiron. Ela foise ao baño e unha moza que estaban alí ata lle entregou un papel para ofrecerlle axuda. Tras saír á rúa, o home empuxouna contra a parede e a muller logrou saír correndo ata ver aos axentes.

Os policías procederon á identificación do home. Así, comprobouse que a orde de afastamento non estaba en vigor. Tamén se identificaron a testemuñas que manifestaron que o individuo se dirixía á vítima en ton elevado e violento e impedíalle ir ao baño, “sacándoa do local con violencia ao suxeitala e empuxala“. Por todo iso procedeuse á detención do home, quen foi trasladado a dependencias policiais, onde se instrúen dilixencias para o xulgado correspondente.